Badira urte batzuk, Gipuzkoako Hondakinen Kontsortzioa (Gipuzkoako Konposta izenarekin merkaturatzen da), Abelur eta Kutxa Ekoguneak Baratze Parkea Sarean konpostaren erabileraren inguruan elkarlanean ari garela.

Elkarlan honetan, Gipuzkoako Konpostak Gipuzkoako etxetako biohondakina konpost bihurtzen du eta baratze bakoitzak behar duen konpost kantitatearen ekarpena egiten du. Abelur, Baratze Parke Sareko lurren analitikak egiten dituen enpresa arduraduna da, eta baita interpretatu eta lur bakoitzaren emankortasunaren arabera bere erabileraren inguruko gomendio teknikoak eskaintzen ditu ere. Kutxa Ekoguneak bestalde, gomendio horiek jarraituz, Gipuzkoako Konpostaren erabilera sustatzen du Baratze Parke Sarean.

Aurten, zenbait herrietan, 2014ean bildutako laginen emaitzen konparaketa egin ahal izan da. Eta bai, berri onak ditugu: bigarren aldiz aztertu diren lur guztiek emankortasuna hobetu dute eta ez da agertu kutsaduraren arrastorik.