Hondakinak Prebenitzeko Europako Astea dela eta, Gipuzkoako Foru Aldundiko Ingurumeneko Departamentuak, hainbat entitate esanguratsurekin batera ekimen ugariko egitaraua prestatu du. Hondakinak Prebenitzeko Europako Astea azaroaren 19tik 27ra bitartean ospatzen da eta bere helburua produkzio eta kontsumo ohituren eguneroko portaera aldatzea da.

Ekimen horien artean, karpa bat kokatu da Donostiako Bulebarrean, “Hondakina ala lehengaia?” lemapean. Azaroak 21tik 25ra bitartean egongo da ikusgai, goizeko 11:00tik arratsaldeko 19:00ak arte. Hondakin mota ezberdinak tratatzen dituzten bost enpresa gipuzkoar egongo dira bertan: Elkober, Ekorec, Ekogras, Gomavial eta GHK, Gipuzkoako Konpostarekin.
 
Zer egiten dute etxean kontu handiz bereizten dugun zaborrarekin? Zerbaiterako balio al du? Hainbat hondakin (plastikoa, olioa, bio-hondakina eta kautxua) lehengai  gisa tratatzen dituzten 5 enpresa gipuzkoarrek, hondakin horietatik abiatuta zein material eta produktu fabrikatzen dituzten erakutsiko dute.